今日晨早起身搭巴士出威爾斯親王醫院!
唉~ 第一次坐了架壞巴士!
我係初時訓訓下…突然聞到D怪味~ 問下娟媽!!! 佢無乜反應~ 咁之後唔理再訓!
過左一陣就突然停車! 我心諗：乜呢度有站咁搞笑??? 定到左城隨轉車站???
點知聽到人講話快D落車~ 唔係爆炸! 原來架巴士冒緊煙 =.= 可能佢都太熱… 
我：!!!

<< 首次站在屯門公路上

落左車有D交通警! 不停諗住D陀槍師姐情節令自己開心D =.= [我暑假日日睇陀槍師姐XD]
在屯門公路被逼落車! 烈日當空… 救命!!! 感謝主當時涼涼地!
不過呢…D警察好好人!
個九巴司機就唔得o左 =.=
要個警察講：你打返公司叫去搵架車來啦!!!! 咪等下一班啦! 再同佢同僚講：呢架車好疏!
 欣賞~ 好人!!!!
最後九巴係無安排多架車來架!!! 不滿>< 又多得個無公德心既呀嬸坐o左係樓梯第一層 =.= 我地行左上去D乘客全部企樓睇囉 =.= 真係想用電話影低佢個樣!!!! 不過當時要扶住~ 唔夠手拎個電話出來

最後去到醫院遲了3個字 >< 今日見左醫生! 之後等左勁耐!!!!
抽血同拎藥

抽血
初時叫左我個籌! 原來前面個嬸嬸都未抽! 個嬸嬸好搞笑! 好驚! 人地抽血佢叫到嗚嗚聲! 我忍笑忍到眼淚水都"標"埋出來!
個姑娘該是新手~ 後面有個大粒人望到實! 皺眉! 本來都夠驚! 我見到佢個表情仲驚!
結果抽左2大筒血! 都話個姑娘新手! 上年第一次抽血無咁痛!!!
今次又痛又痺! 返來睇下! 整損左既!!!! 上次無咁樣架囉 ><

<< 抽完血

呢個星期有3個美國牧師來左我地教會!
分別有Pastor Larry Pastor Leon 同 Pastor John
佢地3個都好好人! 我同其中兩個影左相!

<< Pastor Larry

<<Pastor Leon

星期3我都有幫手返去行區禱告翻譯~ 去左睇兆麟苑塊地~ 又去左青松觀==

仲有呢~ 星期3買左2對crocs! 明明唔靚~ 但見到咁多人有，又好似好舒服! 所以買左我鍾意既Angel版crocs! 點知後來見到另一對特價! 就買左對桃紅色女人型crocs! 其實幾靚架! *比起其他款色!不過因為斷碼! 買左對太大的! 可能要加鞋墊著囉 ><  

原來我對自己真係咁無信心...

成績終於出曬啦!!!
我最鍾意的2個老師的科目考得最好! 萬歲^^
聖經科一路都未出成績! 真係勁WORRY!
依家可以放下心頭大石啦!
雖然對於好多人來講我個成績真係麻麻~
但我覺得…OK啦^^"
比預期中好呢^^
比上學期有進步^^ 開心

除左上面的事之外，尋日的高考放榜也讓我發現…
原來我對自己真係好無信心!
不過其實…我想講…點解有d人可以咁有信心?
成績考得真係麻麻…但咁有信心升到degree? 副學士一定有得你讀?
學舅父舅母話齋：奇怪呀…

又要繼續講下~ 其實我上年都好唔開心啦! 收到咁既成績!
當時我都唔想同人講野! 但都無咩人會話send 訊息關心問候我啦~
點解咁多人身在福中不知福! 有人關心都唔開心架~
咁我呢D算係咩?
講真~ 人地高考就oral都理應緊張~ 仲記得有次呀楊話：個個人唔同架嘛! 可能人地oral都好緊張好大壓力~ 好記得o個次! 我好大感受…乜我無壓力? 我面對家庭咁多問題去應考就無壓力? 每個人都有壓力架啦! 點解唔可以學下去面對? 我就考成個試都無乜人去支持我?
從小到大，身邊既人都會覺得：菂荷是讀書材料~ 不需要支持!
真的嗎? 係既依家都唔使有遺憾…

不過話分兩頭~ 呢兩日令我覺得~ 其實我已經好幸福! 我有書讀! 起碼o個時有DGS咁多老師同有校長撐住我~ 抱住打算repeat form 7的心情去面對A Level 同Jupas! 我是幸運的一個~ 能夠成為浸大英文系的學生~ ^^ 菂荷，妳要努力呢^^
正如我MSN名所說：一天我也要學懂說：我一定得! 因為我是菂荷^^ <<俾我個PE miss 影響到我有這樣的一個目標~ 希望我能做到!

其實我介意?

原來咁快就一年~
上年的這時候，是我放榜的日子!
回想起當時…真的好down好down!
不過，原來到現在，我還在介意…

表妹 呀甜 紫盈 卓明… 加油吧^^"
需要advice隨時打給我!

28-06-08 << 舅父舅母帶我到海洋公園^^
我係都要放榜前去! 因為知道放榜後我會好down!
舅父送左樂樂俾我!
估唔到~ 樂樂咁快同我覺左1年啦^^
樂樂1歲生日快樂XD

今天的我又在煩惱! 不過我經歷過那麼多~ 沒事的!
大家為我代禱啦!
我只覺得呢個時候我需要關心同支持~ 多過人地去怪我!
我需要人扶返我起身…

尋晚有D頭痛食左藥~
本來諗緊今個個補習使唔使取消!
點知今朝一早 學生呀媽打來話呀仔病左~ 唔補得習!
哈! 收線之後覺到1點幾~ 正!

之後成3點幾先落樓下食野!
食完出左九龍灣行街!
先到E-max看看~ 去到見到間碟鋪減價!
買左3套卡通XD 買完先發現3套都是dreamworks出品
買完就上左Petmax! 車! 都無咩平野~ 得個睇字!

之後返返去德福Ikea~ 我地本來去九龍灣的目的 =)
結果只係娟媽買左套被袋+枕頭袋&包飲管湊夠$200!
係o個度食埋晚飯~ 長通粉 肉丸 凍蝦 磨菇撻 仲有野飲任添!
最好味竟然係肉丸旁邊的薯片

返到樓下 同娟媽兩份食左個古古力奇兵同炸雞翼尖!
回家 進行抗H1N1行動第三炮XD YEAH!!!! 就快完成!